مش هنترشح للانتخابات الرئاسية # اترشحوا
مش هنافس على الأغلبية في مجلس الشعب # نافسوا على الأغلبية
يعارضوا وثيقة السلمي بسبب المادة التاسعة اللي بتدي صلاحيات للمجلس
العسكري # حطوا هما المادة بإيدهم في الدستور، وطلعوا قوانين وهما في مجلس الشعب
وسعت من صلاحيات العسكر.
يؤيدون حكومة الجنزوري ثم يطالبون بعد شهر واحد بإقالتها، وبعد كدة يكرموا
الجنزوري
يروحوا يقعدوا مع عمر سليمان بعد كدة يطلعوا قانون مخصوص علشان ميقدرش إنه
يرشح نفسه
ويجي مرسي ويستمر الارتباك
يقعد مع مثقفين أمن الدولة والمخابرات "مجموعة فيرمونت" ويوعدهم
إنه هيعيد تشكيل التأسيسية ويشكل حكومة ائتلافية، و ، و ، ويقولهم أنا موعدتش
بحاجة
مشروع النهضة دة برنامج متكامل ، في 200 مليار موجودة على الرف وطائر
النهضة سيحلق # طلع إن مفيش برنامج ولا
ديولو
يقيل طنطاوي ويديه وسام النيل أعلى وسام شرف وهو مجرم زي مبارك
يصدر قرار بعودة مجلس الشعب بعد كدة يتراجع قدام القضاء
يحاول يمشي النائب العام وبعد كدة يتراجع
ممكن نشارك في مليونية تطبيق الشريعة، طيب أجلوها اسبوع، خلاص هنشارك أهو
أهو، ولا أقولكم ضحكنا عليكم مش هنشارك، ويطلع أنهم شاركوا متخفيين
هنظم مليونية في ميدان عابدين لا قدام جامعة القاهرة ولا نقولكم بلااااااش
الطيب أحسن
في السياسة ممكن المناورة والمرونة في القرارات بس اللي سبق دة ارتباك،
ورعونة لا يؤمتن صاحبها على مسئولية قيادة شعب
No comments:
Post a Comment